踏入二○一四年，不論新曆定舊曆，激進泛民主派都爭相為民主黨「開年」。身兼社區組織協會幹事嘅民主黨副主席蔡耀昌（狗哥），喺元旦日因為協助新來港人士爭取撤銷綜援七年居港限制而「中頭獎」，被激進泛民同本土派示威者擲物狙擊，敗走中環。踏入馬年，狗哥黨友何俊仁（鐵頭仁）尋日出席佔中活動時，兩度被示威者扔出嘅毛巾掟中，兩人可謂「難兄難弟」。好彩示威者今次只係掟毛巾，鐵頭仁仲頂得住，下次就唔知點嘞！
