每逢新年，唔少政商界名人都會用印有自己個姓嘅利是封，民建聯立法會議員陳恒鑌（Ben）今年亦大量印製自家利是封。不過，喺佢嘅自家利是封上面，除咗有卡通化嘅阿Ben同囡囡之外，仲有一個着藍色衫嘅男童，唔通阿Ben喺出面有私生子？
阿Ben解釋話，原本想將一家三口畫晒上去，但太太唔想上鏡，於是淨係畫咗佢同囡囡上去。但係睇見初稿覺得好似單親家庭，於是佢就叫設計師畫多個小朋友上去。唔知阿Ben係咪恨仔恨出面呢？
