「最好每個水站飲杯水」
【本報訊】馬拉松比賽是長跑界盛事，兩屆亞運滑浪風帆金牌得主陳敬然，今年亦變身半馬跑手。現就讀浸會大學體育學系三年級的他，回想○一年首次參加半馬，也高估了個人能力，跑到想暈。他指當時在補充水分及儲存肌肉能量方面失策，「跑上西隧口已體力下降，有頭暈感覺，跑唔到落去，幾乎停低行咗二十分鐘。」
陳敬然指吸取該次經驗後，兩年前參加十公里賽時略有改善，今年策略更周詳，早於半年前備戰，每星期跑三日，每次跑四十至四十五分鐘，每次跑約八公里，個人成績一小時四十分鐘，「呢個係冇斜路嘅成績，預咗比賽時會差唔多，唔會夾硬嚟。」
至於補水方面，他計劃每個水站補給「一杯水左右」。他強調，賽後補水不能過多，否則可能「中水毒」。他現時亦已養成訓練前後磅重的習慣，「要注意飲完後的體重，唔應該重過跑步之前，否則就係飲太多。」