不設排隊指示 電車站零秩序
電車站秩序混亂，乘客叫苦連天！何小姐不時乘搭電車往來上環與西營盤一帶，發現沿途多個電車站秩序均非常混亂，「月台冇指示，根本就唔會有人自動自覺排隊，有車嚟就一窩蜂咁湧上車，咁多年嚟都係咁，電單公司可唔可以正視下呢個問題？」
香港電車有限公司發言人稱，會經常派職員維持電車站乘客上落時秩序，到站電車亦會在月台前後位置兩度停車，以方便乘客上落。至於運輸署發言人則說，會不時了解乘客在電車站排隊秩序，如有需要，會要求電車公司加派人手維持秩序。
「我住喺港島咁多年，從來未見過有電車公司職員喺電車站維持秩序！」何小姐對電車公司回覆深表質疑，要求運輸署主動了解事件，以優化電車服務。