探射燈：車友：互相忍讓 遵守燈號
「我哋都唔想踩馬路咁危險，但香港根本唔夠單車徑！」一句道盡「踩大冷友」的心聲，有單車業內人士指，本港地少人多，政府興建單車徑進度又緩慢，致單車友佔領馬路，「惟有大家互相忍讓，記得遵守紅綠燈指示！」
沙田將軍澳配套較完善
香港單車聯會副主席李植源指，本港地少人多，尤其市區人口密集，覓地建單車徑極為困難，「好似油尖旺咁，住都唔夠住啦！其他地方又有地權問題，政府收唔到地都冇辦法！」李鼓勵單車友多前往將軍澳、沙田等新發展區踩單車，因該區的單車配套較完善，對單車友也較安全。
以踩單車往返立法會成名的立法會議員胡志偉批評，政府欠缺單車政策，「其實踩馬路本身冇問題，但係依家嘅道路設計根本唔方便單車手，其他司機又覺得佢哋阻住地球轉，令到單車手喺馬路上面好唔受尊重！」
