政情:公民講場:濫用公帑「分單」貪湯愈揭愈臭

「貪湯」前廉政專員湯顯明早前已被踢爆豪花公帑買紅酒、茅台、送禮,最離譜嘅就係買魚蛋、牛腩送贈內地官員都使過千元,其大花筒行為令人髮指。點知貪湯濫用公帑行為愈揭愈臭,佢尋日再被踢爆,喺任內豪搞駐港領事晚宴,人均消費高達一千二百元,接受由外交部駐港特派員公署派出嘅五名大廚主理晚宴外,仲要向每位大廚送返隻一千五百多元嘅酒杯作為禮物,又係用分單開數伎倆過骨,真係視納稅人嘅金錢如糞土,如果廉政公署仲唔加緊調查,點對得住廣大市民同納稅人?

第一手消息請下載on.cc東網iPhone/iPad/Android/Windows Phone Apps