中環出更:莫錦貴彭長緯讚on.cc東網快夾齊

沙田鄉事委員會尋日舉行新春午宴,邀鄉紳同區議員開年。鄉議局主席劉皇發(發叔)近日放風話考慮組黨,以鄉議局名義出戰區議會甚至立法會,若然真係派人出戰沙田區議會,即將要硬撼「沙田執政黨」公民力量(公記)同民建聯(民記),咁身兼公記同民記嘅沙田鄉事委員會成員手上選票該何去何從呢?

鄉局倘組黨 鄉紳將獻票

沙田鄉委會主席莫錦貴透露,雖然沙田鄉紳各有所屬政黨發展,但若鄉議局派人出戰新界東,相信佢哋都會自願「歸邊」向發叔獻票。難怪尋日午宴都要揀發叔任大股東嘅酒家開飯,果然緊隨鄉議局路線喎。另外,政府已批出沙田政府合署毗鄰一幅土地畀佢哋興建新會址,咁唔知舊會址又會點處置呢?

講開「沙田友」,原來沙田區議會副主席彭長緯都有留意東方報業集團旗下「on.cc東網」,佢仲即場舉例話《東方日報》年初三頭版獨家報道解放軍出動戰機攔截日本擅闖中國東海防空識別區,「on.cc東網」好早就上載新聞,按個掣就可即時分享,相當方便!至於較少接觸科技嘅莫錦貴,一睇「on.cc東網」就發現資訊又快又齊,笑言「以後多咗個習慣就係睇『東網』喇!」

卓妮

第一手消息請下載on.cc東網iPhone/iPad/Android/Windows Phone Apps