新春贈糕點 長者開顏
爆竹一聲迎新歲！農曆新年家家戶戶均會準備應節食品迎接新一年來臨，寓意「步步高陞」的各式糕品更屬必備之選。為使基層人士能一同感受節日氣氛，東方日報慈善基金透過志願機構向長者們送上應節蘿蔔糕及糖果，與基層家庭共賀新春、笑迎佳節。
「我十六歲已經識我老婆，一齊咗大半世喇，無論點我都會照顧佢，你哋送蘿蔔糕畀我就最啱，等我即刻煎咗佢，拎去老人院同老婆一齊食！」八十一歲的黃金陵獲贈蘿蔔糕後即笑不攏嘴，第一時間嚷着要與妻子分享，足顯鶼鰈情深。陵伯與妻子共度半世紀後，妻子的骨質疏鬆情況日漸嚴重，遂安排入住安老院以獲更佳護理，惟夫妻恩愛不減當年，陵伯每日會探望三次，並親自奉上愛心飯餐，從不間斷。
替愛妻下廚 陵伯好滿意
記者探訪期間，陵伯正為妻子準備午膳，練得一身好廚藝的陵伯接過蘿蔔糕後，便嚷着要與妻子分享。不消十分鐘，廚房已傳出陣陣香味，陵伯淺嘗一口即豎起拇指大讚，「啲蘿蔔糕足料得嚟又唔會好似平時食嗰啲咁硬，一定啱老婆！」
另一邊廂，七十九歲的獨居婆婆陳菊麗則非常好客，得悉記者到訪後，即炮製家鄉食物「寧波雞蛋」奉客。不過，麗婆婆指自從五年前因跌傷接受手術後行動不便，已不能經常下廚，「後生嗰陣就咩都自己整，依家就唔得喇，好似今日整幾隻蛋咁，都搞咗好耐！」接過蘿蔔糕後，麗婆婆即大讚「啱心水」，「蘿蔔糕煎幾分鐘就食得，又方便又唔使麻煩，可以食幾餐喇！」
「中國人最重視過年，但依家咩都咁貴，基層家庭同長者都未必捨得買嘢，寧願留番個錢傍身，有人送蘿蔔糕，佢哋會好開心，亦有番啲過年氣氛！」香港青少年服務處大埔綜合家居照顧服務中心主任蔡銘儀表示，區內不少基層家庭與長者收入有限，或依靠綜援維生，常為辦年貨大感頭痛，獲贈蘿蔔糕不但可減輕負擔，亦能感受佳節氣氛與社會關懷。蔡銘儀希望善長能繼續支持活動，令關愛精神得以延續。
捐款編號︰16333
記者︰伍思明、呂耀焜