政情：港台暗諷袁國強「強權」？

香港電台申請六十億元興建新廣播大樓嘅建議被立法會否決，好多港台中人大吐苦水，話港台設備好殘舊，個個部門都用緊老爺機，如果新大樓一日唔落成，港台員工服務質素好難提升。不過，有啲服務質素就唔關硬件事，好似尋日港台新聞部出錯，明明係講律政司司長袁國強撰文，但就寫錯成「袁國強權撰文」，無啦啦加個「權」字，驟眼睇以為袁國強好「強權」咁撰文，仲要隔咗幾個鐘都冇更正。究竟係港台一時大意寫錯吖，定係想借啲意暗諷袁國強係「強權」呢？咁就真係得港台至知喇。