中環出更：跨界別人士獲頒理大院士銜
香港理工大學尋日向八位來自唔同界別嘅傑出人士頒授大學院士榮銜，表揚佢地對理大同社會嘅貢獻。獲頒院士嘅包括太子珠寶鐘錶主席鄧鉅明、中電副主席阮蘇少湄、昌利（控股）創辦人歐雪明、嘉利美商（集團）執行董事林李婉冰（Nina）、傑出工業家孫國華、富豪酒店國際控股執董楊碧瑤、富士高實業控股創辦主席楊志雄及醫院管理局港島東醫院前聯網總監任燕珍。
包括鄧鉅明 孫國華
第一次獲香港嘅大學頒發院士殊榮銜嘅鄧鉅明話非常開心，佢太太鄧宣宏雁同九十一歲嘅媽媽都有去打氣，佢話希望今後可以成為後輩嘅榜樣，多做公益事務，肩負社會責任，又話昨晚已經約好朋友一齊開派對慶祝。而林李婉冰亦有家人捧場，佢二仔林嘉傑原來仲喺理大讀緊設計碩士課程添，但囡囡就喺英國讀緊書所以嚟唔到，佢話三月打後就會飛過英國探囡囡喎。
至於與理大合作研發環保電動車嘅孫國華就話，非常榮幸獲頒院士，雖然電動車喺香港未係非常普及，但佢對香港市場好樂觀，又相信香港係一個重品味、有創意和價值嘅社會，環保將是未來政策大方向，所以唔擔心電動車嘅發展。
卓妮