公民講場:「二少」唔知錯 開會又遲到

立法會前日早上八點半鐘舉行嘅房屋事務委員會會議,最後因為喺法定嘅十五分鐘都未夠過半數議員出席,最終流會收場,當然遲到同缺席嘅議員要齊齊孭鑊啦!咁啱尋日早上八點半鐘又舉行工務小組委員會會議,正係試探班議員有冇吸取教訓嘅好時機!點知前日有份搞到流會嘅田北辰(田二少),尋日依然係過晒鐘先行入會議室。田北辰回應話,佢一早就到咗立法會,只係喺樓下停車場講緊電話,之後知道夠人開會,所以咪繼續講埋個電話先囉。無論咩理由都好,遲到就係遲到,如果個個議員都抱住咁嘅心態,咪就係會導致流會囉!