行政會議召集人林煥光（WK）尋日出席電台節目時話，依家市區樓價高達二萬多元，佢作為「高級打工仔」都覺得樓市近乎瘋狂同脫節，中低收入嘅中產根本買唔到樓，認為自○三年沙士之後，政府最大錯誤係冇定期檢視樓宇供應，暗批「貪曾」前特首曾蔭權爵士等前朝高官因為畀金融風暴嚇怕，變得保守而唔敢再起樓，導致近年樓價升至瘋狂地步。佢讚揚新一份施政報告提出清晰樓宇供應量，對中產有利。
