探射燈：女士備防狼器自保

市民點睇
鍾小姐（服務業）：「屋企附近有跑步徑，夜晚都幾靜，但我覺得自己都可以應付到（狂徒突襲），都唔係太擔心。」

自衞術踢下陰叉眼

「最緊要係短時間內冷靜，如果走得甩就走，唔係就要防衞。」詠春教練溫鑑良師傅強調，遇上狂徒不要慌亂，並伺機逃走。若狂徒從後突襲，要盡量把身體向下墜，令狂徒不能抱起；若狂徒從正面襲擊又「走唔甩」，就要「出手」自救，並大喊求救，「可以用腳踢佢下陰，或者叉眼，咁可以警告佢（狂徒），令佢知道你可以威脅到佢，你又起碼有一瞬間可以走甩！」

• 李小姐（言語治療師）：「都知屋企附近好靜，自己雖然無跑步習慣，但平時夜晚行過都會行光啲同人多嘅地方。」

香港大學犯罪學碩士丁錫全醫生呼籲市民夜跑時要帶同防狼器，以減低狂徒下手的機會，「防狼器一響係會有警惕作用，會令罪犯嘅慾念下降，會令佢諗到（犯罪）後果，可以大大減低佢落手機會。」但他認為帶備防狼器只是被動做法，「啲罪犯多數係會跟蹤目標到一個僻靜地方先落手，所以最好去人多光猛嘅地方（夜）跑。」