渡海濠情：炮製驚喜要安全
蜜運中男女，無時無刻都想畀對方驚喜，等佢知道自己有幾咁愛佢。澳洲就有位男士諗住全裸匿喺洗衣機內，等女友返嚟畀個驚喜佢，卻估唔到竟然卡咗喺洗衣機內。澳門帝濠桑拿嘅索女葉葉就話，炮製驚喜唔使玩得咁危險，簡單方法已經可以打動到對方。
出醜冇癮
其實男人想氹女友每每都絞盡腦汁兼花上唔少心思，只係有時諗得多咗，或者冇衡量過驚喜背後嘅危險性時，就會出現好似呢位澳洲光豬男咁卡喺洗衣機內，搞到要消防員救佢出嚟不特止，仲要搞到女友乜嘢心情都冇晒，真係勁瘀兼肉酸！葉葉聞言亦點頭話：「本嚟一心諗住可以畀到女友驚喜，結果喜就冇，卻換嚟驚足一大餐，講真又真係幾冇癮。」雖然葉葉都覺得呢單嘢相當搞笑，但佢又幾認同呢位男士嘅心思。葉葉表示：「雖然佢嘅行動失敗咗，但佢其實都係出自一番對女友嘅愛，呢種諗法相當值得讚揚，總比乜嘢都唔做嘅男士好。」
少許心思
聽葉葉咁講，唔通佢都鍾意男友畀驚喜佢？葉葉笑道：「有邊個女人唔鍾意呢？因為咁樣可以令女友更能感受到男友對佢嘅愛，只係炮製驚喜還炮製驚喜，千祈唔好玩得太過火。我就有個姊妹嘅男友佢玩得都好激，諗住喺天寒地凍嘅外國海灘上裸跑，身上則寫住愛嘅宣言，點知佢除咗件衫冇耐就畀人捉咗，結果要姊妹擔保佢出嚟，你話咁又有乜謂呢？」葉葉認為想炮製驚喜唔使咁麻煩，簡單一條情趣內褲就得。葉葉笑道：「其實對我嚟講，平時嘅驚喜都及唔上喺床上驚喜嚟得更直接，當然最重要係玩嘅嘢唔好咁重口味，否則我未必接受得到。」
葉葉Profile
身高：5呎3吋
三圍：33、23、33
撰文：魂
攝影：德