中環出更：激進三子杯葛政改飯局

率領政府政改諮詢專責小組嘅政務司司長林鄭月娥，今個月喺官邸舉行四場政改諮詢晚宴，宴請全體立法會議員。尋日舉行尾場晚宴，三名激進泛民主派議員陳偉業（大舊）、陳志全（慢必）同梁國雄（長毛）就齊齊玩杯葛缺席飯局，話閉門進行晚宴係黑箱作業。長毛仲話要送《曼德拉自由之路》嘅電影戲飛畀林鄭，等佢明白民主係要透過抗爭去爭取咁話。