【本報訊】元朗及屯門均是食水變「漂白水」的重災區，不少居於村屋的住戶均稱，近日聞到食水有濃烈的漂白水味，擔心飲用後會影響健康，有居民為求自保，隨即購買濾水器加裝在水龍頭上「自行過濾」食水，或暫時改買蒸餾水代替。有水族店東更擔心，以含漂白水味的自來水直接養魚，會令魚生病甚至反肚而死，故近日會額外小心處理食水，例如至少存放兩天令氯氣散盡才使用。
居於屯門鍾屋村的李先生直言，約於一星期前發現食水含強烈漂白水味，「啲水開出嚟好混濁，陣氣味同泳池水一樣」，他隨即花二百元購買濾水器加裝在水龍頭上，他不滿水務署監控水質不善。居於元朗市中心教育路一幢唐樓的鄭女士亦稱，昨用水時發覺食水有異味，但因正在煮食，「無辦法都要焗住用，過埋今晚先算」；她坦言由於家有小孩，怕影響家人健康，打算今日起購買蒸餾水代替自來水，並計劃向水務署投訴。
居於大棠村的李太近日亦發現食水有異味，「好重漂白水味，屋企有三個小朋友同一個老人家，擔心佢哋飲咗對身體唔好，但而家太急無得揀，惟有飲住先。」另一大棠村村民梁太同樣發現食水有異味，但因水龍頭已安裝濾水器，相信食水經過濾後可照常飲用。
在大棠祟正新村經營水族館的李先生，前日已發現食水有濃烈氯氣味道，他飼養了不少觀賞魚，若水質有異，影響甚大，他估計：「如果將呢啲水直接放入魚缸，細魚就反肚即死，大魚就會敏感同有病。」他一會先打入大量氧氣及存放兩日，令氯氣消散才將食水倒進魚缸養魚，是次事件發生後，他會更小心處理水質。