站牌掛鏡 路署唔踢唔拆
何小姐早前於旺角山東街的士站候車，期間發現站頭「的士站」牌下掛有一面鏡子，懷疑做法違規，「個牌係政府公物，應該唔可以畀人亂掛嘢，部門好應該做嘢啦，唔係陣間你又掛塊鏡，佢又掛件衫喺度，到時仲成世界嘅？」
路政署發言人表示，接獲本報轉介後即時派員實地了解，發現上址牌柱被掛上一面鏡子，有關人士經勸喻後已即時拆除。發言人承諾日後會於道路巡查過程中，會繼續留意相關情況。
「其實平時行街都成日見到啲鐵柱同路牌畀人掛咗其他嘢，但次次路政署都係等收到投訴先肯做嘢，平時就隻眼開隻眼閉！」何小姐要求路政署加強日常街道巡查，以防有人濫用公物掛放物品。