雜物遮滅火筒 消防懶理
滅火筒遭雜物遮擋，消防處被斥疏於巡查。「咁多一箱二箱遮住個滅火筒，有起事上嚟見唔到、用唔到就大件事！」羅女士經常到沙田愉翠街市購物，每當行經雜貨舖時，均發現有多箱貨物堆積滅火筒旁邊，擔心一旦有意外發生，滅火筒將未能發揮作用，不滿情況已經持續多時，消防處卻未有跟進。
本報轉介始巡查
消防處發言人表示，接獲本報轉介後曾派員巡查，期間證實有一滅火筒遭雜物阻擋，已即時要求物主將雜物移離。物主其後已遵從警告將雜物移走，該處已發信警告物主，以防止同類事情再發生。
「其實依家有好多街市嘅檔主為咗多啲位擺貨，都唔會注意消防安全，消防處應該主動巡查吓！」羅女士不滿當局「唔踢唔郁」，令街市消防安全備受威脅，要求當局增加巡查次數，以免意外發生時造成更多人命傷亡。