政情：公民講場：港台厚此薄彼唔畀「壇」自己

香港電台「大花筒」，花費六十億元起將軍澳新大樓，前排畀立法會財務委員會轄下工務小組委員會否決咗。點知尋日港台《城市論壇》討論《明報》換總編輯一事，愛港力有人發言質問主持謝志峰，點解唔討論新大樓嘥錢呢，謝志峰解釋，話內部討論過，如果港台自己講番新大樓一事，會有利益衝突喎。點知尋晚廣播處長鄧忍光出席港台數碼電視啟動禮，主動話對港台嘅願望就係「建設新廣播大樓」，連商務及經濟發展局局長蘇錦樑都加把口，話呢個都係佢嘅願望，咁就真係唔使討論囉，都已經有既定立場咯。