渡海濠情：瞬間變身更迷人
早前美國有調查指，唔少男士都唔鍾意女士太過表裏不一，覺得難以服侍，兼夾唔知佢哋諗緊乜。澳門富城會嘅索女珊珊就話，女人其實最好就係表裏不一，對男士嚟講先至有挑戰性同有新鮮感。
矛盾心理
男人唔鍾意表裏不一嘅女人，呢點一啲都唔難明白，事關唔少男士都會遇到女友隨口話食乜都冇所謂，查實佢哋最想食日本菜。不過珊珊卻唔係咁睇，話女人表裏不一先至得人鍾意，佢係女人梗係幫番女人啦！珊珊擰頭話：「我咁講係有原因o架！女人最希望遇到個明白佢嘅男人，表裏不一嘅目的就係希望睇吓男友有幾咁明白佢，呢種矛盾嘅心理只有成熟嘅男士先至明白。」不過女人成日要人哋估佢諗乜都好煩啫！珊珊認為：「如果對方係你鍾意嘅人就唔同，因為你會願意花更多嘅時間去明白佢。當然，女人經常要人哋估佢諗乜都唔係好事。」
多變吸引
女人如果偶爾要男友估佢諗乜，都可以話係一種情趣，總之唔好咁善變就得。珊珊笑道：「其實多變嘅女人先至吸引。」相信唔係咁多男士認同珊珊嘅講法，善變嘅女人往往令男士難以投其所好。珊珊就話：「你唔覺得女人多變，可以畀到男士更多新鮮感咩？好似佢一時可以小鳥依人，一時又可以自己話晒事兼相當獨立，有時又可以變得風情萬種勁有女人味，唔同嘅變化可以畀到男士唔同嘅感覺。同樣，喺床上又可以畀到男士唔同嘅感受，既可以柔情似水，又可以勇悍無比，令男士有唔同嘅體驗。呢啲唔同嘅變化，先至可以畀到男士床上新鮮嘅體驗嘛！」
珊珊小檔案：
身高：5呎3吋
三圍：33、24、34
撰文：魂
攝影：程