無人不識 街坊(目及)實 忌廉哥好安全
翻版小「忌廉哥」被盜，無人不識的正牌「忌廉哥」豈不高危？尖東「忌廉哥」的主人高先生，昨日看過大埔被盜四隻可愛小家貓的相片，他指由毛色來看，四小貓確實與「忌廉哥」相似，但貓隻長大後會出現變化，到時未必再像「忌廉哥」。至於已經當紅的「忌廉哥」，因為粉絲多加上有街坊幫(目及)實，他不擔心被偷。
「動物都有生命 希望佢哋愛惜」
高先生說，因為「忌廉哥」無人不識，每日來一睹風采的市民絡繹不絕，故不擔心牠被賊人偷走，「因為佢人人都識，每日探望佢嘅人咁多，大家都知其行蹤。」高又指早已關照街坊，多多留意「忌廉哥」情況，因此依然讓其行動自由，喜歡到哪裏也可以，絕無限制。他並謂「佢係公嚟，又唔係乸，冇得配種，偷嚟都冇用啦。」不過，高對偷貓賊的行為感到憤怒，痛斥他們可恥，「如果真係咁鍾意貓，可以自己買，冇理由偷咗人哋嘅心頭好。動物都係有生命嘅，希望佢哋愛惜啦。」高估計賊人為了圖利，將貓隻偷走後轉售。
本報記者