藝人北上搵食淪騙徒點心
【本報綜合報道】近年愈來愈多本港演藝界人士前往內地發展，惟騙徒詐騙方式層出不窮，令人防不勝防！女星張文慈透露，曾聽聞過許多同行遇到行騙，自己亦有遭騙經歷，慶幸未造成金錢損失。呂良偉太太楊小娟稱，丈夫提醒接到類似詐騙電話需求證。
對於湯唯被爆出遭電話詐騙，張文慈昨坦言，曾聽聞許多行家慘遇行騙經歷，坦言在內地工作難免被騙，由於自己沒有經理人公司，僅靠自己安排工作，故每當有人約她外出洽談工作，她均會提高警覺，先向同行了解對方背景等資料，待確定無誤才會應約。她讚揚同行齊心，每有騙徒資訊均會互相通知。
拍完廣告 公司人去樓空
但她稱，自己在內地工作雖然已非常謹慎，但亦曾有遭騙經歷，她憶述，最慘一次是拍完廣告，廣告公司人去樓空，慶幸未造成金錢損失，「我大不了是浪費工作時間，不像湯唯那麼慘，損失金錢。」
而呂良偉太太楊小娟亦稱，經常聽聞內地有電話詐騙案，丈夫曾提醒她，若接到類似電話應謹慎，需進行求證，切勿隨意相信，她稱，相信湯唯受到是次教訓，下次不會再發生。
藝人寸爆
莊思敏︰「吓，喺呢個年代，竟然會有人上當，我都試過幾次疑似電話騙案啦，試過有幾次有陌生人打畀我，又講唔出我叫咩名，但就講到好似同我好friend咁，我梗係唔會理佢啦，我估如再同電話中嗰個人傾落去，佢一定會問我借錢囉。我覺得如果遇上疑似電話騙案，就應該打電話向相關親人問吓，咁就一定唔會畀人呃到囉。」
雨僑︰「佢（湯唯）點解會信電話騙案，佢都成日嚟香港啦，係咪好少睇警訊呀？我就未試過電話騙案，街頭騙案就有，記得有次我喺街度見到一個六十幾歲嘅婆婆，佢好可憐咁同我講唔見咗個銀包，問我可唔可以畀六十蚊佢返元朗屋企，我見佢咁慘咪畀囉，點知第二日喺同一個地方又撞見呢個婆婆，佢又再問我借六十蚊，我就話尋日我咪畀咗你囉，阿婆即刻變臉。」