香港民怨之所以會去到臨界點，其中一個主因，無疑是庸官禍港；最佳例子莫過於○四年出任食衞局局長至前年退休嘅周一鑊，在任八年禍足八年。
庸官卸任但遺禍無窮，當年人質慘劇傷者易小玲，竟因周一鑊探病隨口噏，對病人說兩星期內不用做手術，而據透露威院為免令周一鑊尷尬，故即使易小玲在首次手術後傷口受感染，仍拒安排第二次手術補救。
「為免政治人物尷尬」，卻令傷者飽受痛不欲生嘅折磨，若然，威院高層把庸官周一鑊嘅話當秘笈，完全沒有醫療專業嘅判斷，更有違醫德，理應一併受譴責。
周一鑊無德無能，在任八年，造成公共醫療混亂，醫療水平每況愈下，任內醫療事故無日無之，鑊鑊新鮮鑊鑊甘；還記得前年本港爆發H5N1禽流感，一名長居內地的本港男童確診，當晚周一鑊竟宴請醫管局成員到南丫島吃海鮮，出現「領導真空」；對一些重大的公共衞生事故，周一鑊每每後知後覺，像一一年德國蛋受二噁英污染，內地及其他國家即禁入口，佢不但無即時公布，亦無抽查市面德國蛋！完全無心把關食物安全，尸位素餐，彰彰明甚。然而，這樣一個劣迹斑斑的庸官，退休一年竟獲「翻閹」成為平機會主席，講真，佢出掌平機會近一年，驚喜政策欠奉，有嘅係佢常無厘頭嘅獻唱，教人忘不了他的「震音」是如何教日月無光！
特區政府管治無方，很大程度上是用人不當，變成負資產。柏楊曾說：龍用龍、鳳用鳳、豬用豬、驢用驢、蛆用蛆、蟲用蟲，老鼠用耗子、耗子用老鼠。讀《通鑑》每讀到一個王朝或一個政權覆亡之際，豬驢共舞、蛆蟲互擠的醜態時，都不禁捶胸嘆息，嘆息這種場面為甚麼總是一演再演……用人不善、庸官禍港，一再上演，香港人怎會有好日子過！