政情：單靠勸喻「成」效無幾

下星期就係政府公布《施政報告》同特首出席立法會答問大會，激進泛民主派議員用盡言語甚至肢體抗議已經係家常便飯，唔少建制派議員都批評立法會主席曾鈺成執法不力。唔知係咪咁，曾主席尋日就煞有介事咁，透過秘書長陳維安提醒議員，話去年十月答問大會上，有議員用詞有侮辱性，希望議員維護立法會尊嚴咁話。不過，曾主席單靠出口術勸喻議員，效用有幾大真係成疑，睇怕到時啲議員都係你有你講，我有我做，當主席講嘢發噏風。