政情：任副發展局長馬紹祥熟立會

Eric曾經喺多間工程顧問公司出任要職，負責多項政府大型工程，例如機場第三條跑道、廣深港高鐵部分項目等。佢話喺政府任職同之前幫私人公司打工有好大分別，依家份工有唔少挑戰性。被問到將來主要負責邊啲政策範疇，佢就話自己暫時未同局長傾到分工問題，首要工作都係要盡快熟習新環境喎。

應對議員有經驗

為咗令新副局長可以盡快投入工作，陳茂波尋日專誠帶埋Eric去立法會回答議員質詢。不過，Eric話早前不時會代表公司去立法會解畫，所 以對立法會已有一定認識。睇黎Eric不但喺大型基建發展項目上有豐富歷練，連回答議員質詢都有經驗，相信可以減輕陳茂波嘅煩惱。