一個人獲獎可以有Ｎ個理由，而自我感覺良好卻不需要太多因素，只要一個就足夠，那就是臉皮夠厚！
一些廣告宣傳上神乎其神，實際上功能全屬子虛；某些人會議上表態斬釘截鐵，實際行動上敷衍塞責……世事往往如此，自命不凡，卻是情形每況愈下，「江海雖左，長於百川，以其卑也」，意思是說：江海雖然地勢不高，但水勢之浩蕩、水量之龐大，成為眾多河川匯集之所在，正是因為江海處在低下的位置啊！
所以話，站在高地認屎認屁，到頭來就係自取其辱，一直自我感覺良好嘅《明報》，終於死死氣認衰，刪除報頭嘅「公信第一」等字樣，果真應了本報《功夫茶》所講，「自我貼金變成自拆招牌，自我安慰變成自取其辱」，呢啲咪就係「陸雲亭睇相，唔衰攞嚟衰」囉！
「公信第一」嘅《明報》，過往報道多次出錯，有些更錯到離晒罩，完全不靠譜；嗱，本報翻查歷年資料，發現《明報》每年刊登「更正與澄清」動輒百宗。單單一三年全年，便有八十四則新聞已刊登「更正與澄清」啟事，其中七十六則新聞更須向讀者或涉事人「致歉」。
如此「公信第一」高高掛，寫出來都笑死人冇命賠！難怪《功夫茶》獻計：反正《明報》已經冇晒公信，何不索性改為《怪報》；當然，此「怪」並非如「揚州八怪」嘅怪，人哋在中國繪畫史上有革新風格嘅怪，係才氣橫溢嘅表現，而《明報》嘅怪卻係陰陽怪氣嘅怪，畢竟是「打邊爐同打屁股」，自是有天淵之別！
之不過咁，正如老朽話齋，一個人只要自我感覺良好，只要臉皮夠厚，天下事沒有甚麼不可以認叻嘅，一於把「更正稱王，致歉稱霸」放在報頭，怪得有霸氣，再學阿Ｑ擺擺架子，噴一句：我先前——比你闊得多啦！