香港電台將軍澳新廣播大樓嘅造價由當初估計嘅十幾億元，「三級跳」增至最新嘅超過六十億元，引起社會嘩然同跨黨派議員狂轟。但商務及經濟發展局局長蘇錦樑同廣播處長鄧忍光，仍然堅持原封不動喺前日「硬闖」立法會工務小組委員會，最終撥款喺全體建制派同個別泛民主派議員反對下遭否決。如果港台仲想興建新大樓，睇怕必須主動將工程規模同造價「減磅」。本身都幾fit嘅鄧忍光，真係要好好教吓啲下屬瘦身之道喇！
