政情:豪捐三千萬 廠商會冠名理大

中華廠商聯合會今年邁進八十周年,嚟緊會搞一連串慶祝活動,其中一項就係捐三千萬元畀理工大學。捐錢畀理大只係呢兩個月嘅事,但我哋近日就發現紅磡隧道出口旁嘅一座理大嘅大樓上,大大隻字寫住「香港中華廠商聯合會樓」,命名儀式亦定於下月廿五日舉行,果然啲大學收咗錢之後,動作都零舍快喎!有口痕友話,今次廠商會捐三千萬元獲得命名相當之抵,因為既可以喺隧道口當眼位置賣廣告,又可以慶祝廠商會生日,更重要係可以支持本地院校發展,仲唔係抵?

第一手消息請下載on.cc東網iPhone/iPad/Android/Windows Phone Apps