政情：公民講場：鹵莽對待「玻璃」 政改夢恐碎

學民思潮聲言發起「五區辭職公投」以表達「公民提名」訴求，政制及內地事務局局長譚志源（Raymond）尋日被問到呢個行動時，就話自己個多星期前喺一間賣玻璃用品嘅商店，見到一個寫住「handle with care（小心輕放）」嘅告示牌，因為啲商品係「Fragile（易碎的）」，其實同政改一樣，本身係個艱難嘅任務，所以要小心處理，鹵莽行動可以打破玻璃器皿喎！其實大家使乜咁上心吖，莫講話學民思潮冇立法會議員，就連區議員都冇，唔知辭咩職呢？除非啲泛民主派議員聽佢哋點嘅啫。