探射燈：年宵頭尾檔布「格價陷阱」

記者接觸違規分租檔口的檔主時，有人便向記者傳授「市場營銷策略」，「你最好租兩檔（劏檔），一頭一尾，頭嗰檔賣（貨品）一百蚊，尾嗰檔就賣八十蚊，咁樣做就會吸引啲客過去買，以為有平嘢，你就會賺到多啲。」

潮物受歡迎趁機炒賣

香港中文大學創業研究中心項目總監蔡明都指，年宵講求時效性，攤位都希望在有限時間內賺到理想利潤，故此在賣貨及營銷上都會花盡心思；而近年以潮流玩物及諷刺時弊的政治人物公仔最受歡迎，有機會出現炒賣情況。他提醒消費者在享受年宵購物樂之餘，亦要注意精明消費。