【本報訊】「假金牛」出沒，引起全城恐慌，金輝錢幣郵票公司負責人陳榮輝提醒，本港千元鈔票的金屬線最難偽造，其次是水印，因此市民收到「金牛」時，可開啟電筒照射鈔票，仔細檢查金屬線及水印是否清晰及整齊；而偽鈔出貨前通常會被「揸皺」，用以掩飾假鈔漏洞，「如果收到一張好新淨，但離奇咁皺嘅金牛，要加緊留意！」
陳指，中銀二○○三年版的千元鈔票成為「假鈔黨」目標，與其在內地知名度有關，「內地人最熟中銀、滙豐，如果整呢兩間，就易啲喺市面流通；加上中銀○三年版呢個金牛款式，之後幾年都沿用，出得紙多，假鈔較容易渾水摸魚。」
執業大律師陸偉雄則指，市民在不知情下使用偽鈔，不會構成違法行為，事後亦可透過「追番上一手（偽鈔持有人）」，追討損失。他教路，若市民使用櫃員機時已對鈔票的真偽起疑，可面向閉路電視把鈔票「揚一揚」，「好多人會唔信喺櫃員機撳到偽鈔，咁樣做，喺必要時可以成為證據，證明（市民）當時已經覺得有問題。」