領匯商場休憩處煙民滋擾
無煙露天休憩處成煙民「煲煙」勝地！「幾個圍埋坐喺度歎煙，我帶住個小朋友都唔敢坐近，費事畀細路仔吸二手煙，呢啲人真係自私！」梁小姐家住在沙田廣源邨，發現商場的露天休憩處近日已變成煙民聚腳地，對其他市民造成嚴重滋擾，不滿未有職員阻止。
已聯絡控煙辦 情況有改善
領匯發言人表示，商場辦事處已在有關位置張貼嚴禁吸煙告示，最近亦有就本報轉介的情況聯絡衞生署控煙辦公室並要求跟進。商場保安員已加強巡邏，對場內吸煙人士即時作出勸喻，現時情況已有改善。
「嗰度明明唔畀食煙，但係仲有咁多人大模廝樣坐喺啲櫈度食，可想而知根本就冇人理，如果真係捉得嚴又點會咁？」梁小姐促領匯加強巡查，阻止吸煙人士霸佔座位吸煙，維持無煙環境。