居民申領禁區紙遭查家宅
禁區居民申請禁區紙慘遭「查家宅」！喜愛寧靜生活的林先生數月前特意舉家遷入打鼓嶺禁區，以為自此得以安居，但原來警方為打擊水貨客，會不定期上門調查居民身份真偽，林卻經常工作至夜深致難以及時回家受查。「佢一開頭係問過我幾時屋企有人先上嚟，但唔係問我幾時有晒所有人，我先叫佢哋晏晝上嚟。佢哋見只係得我太太喺度就話我下次好難續證（禁區紙）！」林又說，曾有警員調查時拍門，但見未有人即時應門便離開，結果要林「追出馬路」回應。
警方發言人指出，近年發現有人以租用禁區物業以便領取禁區紙進行水貨活動，為防止濫用，新搬入禁區的居民會獲簽為期三個月之臨時禁區紙，期間警方會不定時家訪，以確定申請人屬真正居民。發言人強調，申請人有權選擇家訪時段，如有需要時段亦可隨意更改。
「都係啲水客搞到大家咁麻煩，真係累街坊！」林先生指近日已獲警方更改探訪時間，但希望警方能就調查作更靈活安排，以免「冤枉好人」。