僭建屋滲水屋署拖拉10年

陳小姐（化名）年前購入北角寶馬山天后廟道大廈頂層單位，並進行裝修，惟完工不久，單位天花多處旋即有批盪剝落及發霉，滲水源頭疑為天台僭建屋。陳遂向屋宇署投訴，獲覆因色粉測試未能找到滲水源頭，遂委派顧問公司調查，終證實天台地台位置有破損及出現滲漏，但仍沒有採取執法行動，只是勸喻天台業主檢查，「佢（屋宇署）話情況不構成公眾衞生妨擾問題，唔會再作進一步調查，但我客廳啲牆都發晒霉喇！簡直離晒大譜！」

記者到現場了解，發現單位客廳、主人房及工人房等多處天花均有滲水，當中以客廳最為嚴重，除有天花批盪剝落及「谷起」外，部分牆身更發霉。陳從上手業主得知天台僭建物已存在十年，「拖足十年都唔拆（僭建屋），都唔知屋宇署點做嘢！」

寶馬山天后廟道有大廈天台僭建屋（紅圈示）屹立十年仍未被取締。

受滲水影響，單位新裝修後客廳天花批盪已剝落及「谷起」。

議員促盡快勒令取締

屋宇署發言人表示，該署於○三年已發現上述單位天花有滲漏，可能源於天台僭建物及相關工程，令防水膜破損，遂發信予天台業主調查滲水來源及維修，惟發言人承認該署於一二至一三年期間仍多次接獲天花滲水的投訴，但結構沒因而變得危險。該署於○九年曾向天台業主發出「警告通知」，及於一三年向有關業主發出清拆令，敦促清拆僭建物，而該業主近日表示正安排有關工程。

立法會房屋事務委員會主席王國興指，屋宇署竟以僭建屋所致滲漏「不構成公眾衞生妨擾」為由不作處理，屬處理失當，「冇錯嗰度唔係『公眾』地方，但涉及僭建同影響其他住戶，屋宇署冇可能唔理！」王又炮轟當局將個案「拖足十年」仍未解決，要求盡快勒令取締僭建物。

測試欠科學 找不到源頭

「屋宇署成日都話搵唔到滲水源頭，係因為佢哋用嘅測試唔夠專業！」香港公正行有限公司技術總監賴達明解釋現時有多種科學方法準確確認滲水源頭，包括高清紅外線掃描、導電感應、螢光色水及噴水測試等，惟屋宇署卻使用目測方法，準確度及效用成疑。

記者：何穎賢