學民思潮召集人黃之鋒日前收到神秘字條疑「被恐嚇」？話說黃之鋒前晚喺個人社交網站自爆，日前到餐廳用膳期間，一名婆婆突然上前拋下字條，該張字條上寫有四句句子，就係「給令我尊敬的年青（輕）人，很多香港人支持你們，但請記住防人之心不可無，獨自走在街上時務必小心」，有網民留言擔心黃之鋒「被恐嚇」，黃之鋒回應時稱，曾有內地官方文件點名批評佢同學民思潮，當時佢亦都無害怕，因此不會因今次事件而擔心自身安全喎。
奇怪事件總係一不離二，黃之鋒又自稱，近日有自稱警察總部公眾聯絡組職員傳短訊畀學民思潮成員，仲話認識黃之鋒，希望邀約佢哋外出見面，黃之鋒反建議有關人士直接聯絡佢或學民發言人黎汶洛、周庭等人。
我哋曾多次聯絡黃之鋒進一步跟進事件始末，惟截稿之前仍未獲回覆。