| 我要讚讚你： | ||
| 我要讚讚你：學生教用耆招破聽障 | ||
如何打造沒有牆的世界？對健全人士而言，聲音是主要溝通工具，但聽障人士「有耳難聽」，完全失聰者更彷彿與外界隔絕。為了讓聽障長者融入社會，大專生William教他們使用智能手機，以手機應用程式（Apps）認識身邊事物及加強與外界溝通。科技成為了打破牆的錘子，拉近人與人之間的距離。
「開呢度呀？」「點解無法連線嘅？」「返回鍵喺邊度？」聽障長者智能手機班甫開始，教室內問題滿天飛。外表樸實、沉默寡言的導師William逐一走到長者旁邊，貼近他們的耳朵，細心解答各人的疑問。教曉長者有關智能手機開機、連線Wi-Fi等的基本知識後，William便開始教授Apps的應用。課堂後，十四名聽障「老友記」不但學識用「on.cc東網」Apps看新聞，亦懂得用手機預約政府門診服務。
耐性講課 慢慢吸收
現年二十一歲的大專生William經表姐介紹，近月加入服務聽障人士的義工行列，長者智能手機班是他的「處男作」，而他在堂上亦表現得有板有眼，「聽障人士聽唔到嘢，要靠睇口形同埋文字，形成溝通障礙。教識佢哋用智能手機，佢哋就可以WhatsApp或者用Line同人溝通。」他指，長者吸收新知識的能力較低，加上聽力弱，講課時說話要較慢，亦要多加耐性，「哈哈，好彩我本身都係一個有耐性嘅人。」
William笑指，他在家中亦是爸爸的智能手機導師，讓他深感科技如何拉近人與人之間的距離，「爸爸識用智能電話之後，就開咗個WhatsApp群組，親人間傾偈多咗，而喺教佢嘅時候，大家都多咗話題，爸爸有時會走嚟問吓點用部機，感情都好咗。」
「老師好有耐性呀，啲後生要返工，唔得閒教我哋，自己耳仔又唔好，嚟呢度學就最好啦。」患有耳疾的邱伯表示，以往有來電，只能靠太太幫忙接聽，依家學懂使用智能手機，便能以短訊溝通，「以後（聾人）中心有咩活動都知道。」
圖：甘偉倫／文：溫盈盈
提名熱線:3600 9999
Fax:3600 9900
E-mail:like@on.cc
逢星期日刊出