本報最近統計特首、三司十二局過去一年外訪開支，其中教育局局長吳克儉（吳得掂）外訪開支排名第四，先後外訪九次，總開支為八十九萬元，足迹遍布韓國、英國、美國、加拿大等國家，被立法會議員質疑佢嘅外訪成效。吳得掂早前接受查詢時，竟然反問如果其他國家無人知香港嘅教育發展，咁要邊個問責喎。其實吳得掂外訪九成都係要取經，睇吓當地有乜政策值得香港借鏡，相反去外國推銷香港教育嘅理由就有啲牽強，如果香港教育係好嘅，就唔會有咁多人送子女去外國讀書啦！
