重點旅遊項目多階段「變身」
【本報訊】每逢大時大節，尖沙咀海濱長廊及星光大道一段，都人頭湧湧，原來此處歷經多階段「變身」，才演變成今日的繁華。香港歷史專家指出，星光大道勝在位處海邊，能飽覽維港景色，近年終被旅發局力捧為重點旅遊項目，揚名國際。
香港歷史博物館名譽顧問鄭寶鴻指出，星光大道的路段經歷三個重大階段，由第一階段九廣鐵路的其中一段路軌改成海濱長廊，成為第二階段轉變。「當時係八十年代，只係得聖誕節先會熱鬧，但幾乎清一色係去睇燈飾嘅香港人，無咁多遊客。」
他說，直至○三年，該處改建成「香港星光大道」，是為第三階段，「佢哋跟美國荷里活星光大道去做，將啲明星掌印鑲嵌喺條路，港府就將呢樣嘢大肆宣傳，吸引好多遊客嚟睇。」