新政府上任後，三司十二局問責官員外訪開支同次數，經傳媒查詢，都交代得清清楚楚，唔會好似「貪曾」前特首曾蔭權爵士在任時咁，乜嘢都唔清唔楚，亂使公帑都無人知。當年貪曾奢華豪遊外訪，完全無任何申報，就算傳媒追問亦唔肯披露，直至被人踢爆佢每次外訪都唔遠唔去，無啦啦去巴西外訪、無頭等機位又唔肯搭，又話因為開會而要豪住酒店總統套房，種種貪腐醜行被揭發後，佢先至自爆外訪次數同開支，完全將香港廉潔核心價值摧毀，呢啲咪係「一粒老鼠屎整壞一煲粥」最佳例子囉！
