醒目士多店東 一句話嚇退偽鈔黨

【本報訊】千元偽鈔恐慌下，醒目士多東主提高警覺，一句話嚇退南亞偽鈔黨！昨午二時許，兩名南亞漢前往油麻地官涌街一士多購物，兩人挑選了一支二百港元的紅酒後，以一張五百元鈔票付款，鑑於近日假鈔襲港，姓賴東主（四十六歲）接過鈔票後即時仔細查看，赫然發現鈔票「好流」，「一揸上手覺好滑，無乜紋路，好似電腦印出咁！」再進一步查看，更發現鈔票連安全線都欠奉，賴肯定手上的是假鈔，於是反問南亞漢：「你係咪真係要畀錢先？定係要我報警啊？」偽鈔黨見事敗，棄下紅酒及偽鈔，即轉身拔足逃去。