靚太死神擦身 恨透飛車狂徒
「撞車嗰十秒八秒，我諗住死o架啦，嗰對仔女唔知點算呢。但好彩架車夠高，救番我哋兩個！」死裏逃生的靚太Cherrie事後猶有餘悸，她稱在車廂求救無門時一度閃過死亡的恐懼，對於平安夜避過一場死劫，她形容過程充滿驚恐、好運和憤怒，痛斥飆車黨「自己搞出嚟嘅禍，應該自己孭番，無理拆咗車牌，劈低架車走咗就算。」雖然兩公婆福大命大，但今次橫禍令她睡不安寧和發噩夢，聖誕節目亦被迫全部取消。
有七年駕駛經驗的Cherrie稱，以前以平治E系房車代步，相信自己的技術及路面應對能力。憶起生死時刻，她稱「翻車後與老公齊齊被困，嗰時梗係好驚啦。」
與夫困車廂 冒煙陷絕望
隨住車內傳出焦味和冒煙，因擔心起火爆炸，她才真正感到死亡的來臨。Cherrie說，當時她想到如果自己喪生，「一對年幼兒女唔知點算」，又想到家人會有何感受。「好在X3車身夠高，救番我哋兩公婆，如果係房車或日本車，可能有另一個後果，真係唔敢諗。」
Cherrie對飆車黨感厭惡，「住喺沙田，早知有飆車黨，以前都係撞到兩、三架車，估唔到平安夜撞到十架咁多。」
本報記者