中環出更：四叔捐地博愛積極有好報

博愛醫院日前舉行慈善餐舞會，城中名流及一眾博愛人齊聚。今年博愛可以話係大豐收，事關早前恒基地產主席「四叔」李兆基，豪捐屯門藍地一幅十萬呎地皮畀博愛興建長者設施，市值至少過億，令其他慈善團體羨慕不已。博愛主席曾耀祥解畫話，其實幅地係佢哋辛苦爭取返嚟，唔係從天而降嘅。
曾裕（右）與丈夫李守義（左）有影皆雙，羨煞旁人。
曾裕（右）與丈夫李守義（左）有影皆雙，羨煞旁人。

曾耀祥透露，當佢哋知道政府拒絕接受四叔直接捐地，反建議四叔與非牟利機構合作之後，佢哋經高人指點下，立即主動接觸四叔，經過半年努力，先至成功說服四叔將塊地皮捐畀博愛。依家佢哋搵緊顧問公司，撰寫詳細嘅規劃報告，除咗已公布興建全港最大嘅老人院之外，仲會發展其他社會服務，不過詳情就要賣吓關子，下一步將向社署申請獎券基金撥款承擔建築費用。

慈善餐舞會 精英盡出

講番個慈善餐舞會，當晚身兼晚宴籌委會主席嘅博愛候任主席何榮添，與三名籌委會聯席主席兼博愛副主席陳李妮（Lily）、李鋈發及吳錦青，個個使出渾身解數，為年終籌款進帳發力。何榮添話，當晚係博愛年度籌款嘅重頭戲，籌得嘅善款將用作發展中西醫療、教育及社會服務，令更多有需要人士得到適切嘅幫助。

食物及衞生局副局長陳肇始（左二）到場同樂，曾耀祥夫婦（右一、二）及陳李妮（左一）親自招呼。（徐家浩攝）
  • 食物及衞生局副局長陳肇始（左二）到場同樂，曾耀祥夫婦（右一、二）及陳李妮（左一）親自招呼。（徐家浩攝）
博愛人感情好好，前副主席吳俊華（右一）及前總理林辰峰夫婦（左二、三）都抽空敍舊。
  • 博愛人感情好好，前副主席吳俊華（右一）及前總理林辰峰夫婦（左二、三）都抽空敍舊。

身兼總理嘅「美容天后」曾裕（Joyce）同契女Cory着得靚靚現身，Joyce最近睇好時下準新人鍾意聘請專人統籌婚禮嘅潮流，喺尖沙咀開咗間婚禮統籌公司。當日佢同Cory由化妝、Set頭到晚禮服，全係自家婚紗店包辦，實行肥水不流別人田。

當晚博愛前主席兼圓玄學院副主席湯修齊（Henry）一家四口都有到場，Henry同囝囝Harris父子檔登台獻唱，誠意十足。Lily亦上台高歌，送畀新婚嘅前主席藍國慶及太太Mina，佢哋啱啱喺香港及日本擺酒結婚，恭喜！恭喜！

卓妮

第一手消息請下載on.cc東網iPhone/iPad/Android/Windows Phone Apps