Party Life：萬花風采

演藝生活多姿多采，活像萬花筒。演藝學院友誼社日前為傑出學生籌募獎學金，作為年度籌款盛事，點可以平凡？所以佢哋一於去到盡，來一幕「演藝萬花筒之夜」，吸引逾四百位賓客走進花花世界，話咁快籌得五百多萬元善款。

另一邊廂，比利時王后瑪蒂爾德（Mathilde）早前旋風式訪港三日，行程排得密麻麻，但王后不忘與城中名人相聚，喺賽馬會跑馬地會所舉行私人午宴，十多位香港政商及文化界名人獲邀出席，一睹王后風采。

「九巴新抱」雷林靜怡（左）與老公雷兆光（右）表示會為家人準備驚喜聖誕派對。	中華總商會永遠名譽會長蔡冠深伉儷同樣熱愛音樂藝術，當晚拍拖去欣賞演藝學生表演。	菁英會創會主席施榮忻（左）與太太鄧慧琦（右）睇中新加坡嘅動物園夠多親子活動，一月初將帶子女去度假。（陸智豪攝）
國際著名鋼琴家李雲迪演奏一曲《皮黃》，琴聲繞樑三日。	王后宴客笑容可掬嘅比利時王后瑪蒂爾德，專程來港力撐比利時創意工業發展。	已故賭王傅老榕後人傅厚民（左）畢業於劍橋建築系，審美眼光獨到，歌星莫文蔚（右）就熱愛音樂，唔知兩人碰面會有咩話題呢？
中華總商會榮譽會長霍震寰千金霍思緯（右）醉心中西藝術，與富豪趙世光千金趙式明（左）傾得好投契。