康文署斬樹花槽變廢墟
休憩處花槽儼如廢墟，康文署被斥管理不善！何先生早前在香港仔海旁散步，途經海旁道休憩處時，發現有花槽嚴重毀爛，「啲植物差唔多死晒，啲泥又好似畀人翻過咁，連花槽邊個石壆都爛咗一大截，點解咁都可以冇人理？」
「無監管承辦商」
康樂及文化事務署發言人承認，園藝承辦商在移除花槽內兩棵健康及結構欠佳樹木時曾使用機械，令周邊的灌木受損。
此外，承辦商在移除於花槽石壆盤纏生長的樹根時，亦意外令部分石壆鬆脫。該署事後已通知相關部門安排復修石壆及重新栽種樹木，工程預計即將完成。
「修樹變殺樹，康文署唔單只冇好好監管承辦商，仲要搞到個花槽成個廢墟咁都唔知！」何先生怒斥康文署監管不力，更指該署對設施損壞問題置若罔聞，要求檢討及改善，以免再有同類事情發生。