海防道街市火警陷阱
尖沙咀海防道臨時街市已有三十五年歷史，多年來一直被轟十室九空兼管理混亂，食環署雖承認空置率逾四成，卻以成本效益及「冇地」為由，拒絕重置。區議員指臨時街市人流疏落，與區內繁盛景象大相逕庭，有商戶甚至利用空置檔位擺放雜物，衍生消防安全問題。立法會議員則要求當局善用土地資源，盡快重置街市，以回應居民訴求。
尖沙咀街坊林女士指出，海防道臨時街市落成初期曾經興旺，但隨着時代變遷，街市設備仍維持簡陋狀態，商戶流失嚴重，人流亦不斷下降，「個街市『臨時』臨足卅幾年都冇郁過，啲檔口愈來愈少，搞到我哋班街坊想買餸都冇得買！」林又指尖沙咀區仍有不少住宅，不滿當局無視居民需要，任由街市空置，甚至淪為貨倉，「寧願由得啲檔口畀人霸嚟擺嘢都唔管理好佢，啲雜物堆到周圍都係，火燭點算？」
「果籃山」堆至天花頂
記者曾多次實地視察，發現多個空置檔位被擺放大量發泡膠箱、手推車、單車等，部分行人通道亦堆滿各式雜物，其中一個角落更乍現「果籃山」，待用果籃由地面堆疊至天花，情況墟冚。
油尖旺區議員關秀玲指海防道臨時街市位處區內黃金地段，但當局多年來卻任由街市丟空、甚至擺滿雜物，不但浪費土地資源，亦擔心危及消防安全，「咁細嘅地方擺咁多雜物，萬一火警後果就好嚴重！」
「要重置街市的確係難題，但如果怕難就唔做，咁市民要個政府嚟做乜？」立法會食物安全及環境衞生事務委員會委員麥美娟認為，當局不但需解決現時街市的管理問題，同時亦應設法重置街市，以回應居民訴求，「好似大埔墟街市咁，當年重置嗰陣一樣經歷好多困難，依家咪做得幾好！一日唔郁，個街市就永遠『臨時』落去，對政府同市民都冇好處！」
食署：難覓地點安置
食物環境衞生署發言人承認，現時上址街市空置率為四成四，亦發現有空置舖位被鄰近商戶用作存放貨物，已即時發出口頭警告，飭令將貨物搬走，否則會作出檢控，最高罰款為五千元，過去三個月亦曾就同樣問題發出五宗檢控。
發言人又說，當局曾計劃在原址興建正式街市，但礙於區內難以尋覓合適地點安置臨時街市檔戶，加上涉及成本效益，故未有再研究遷移及建立正式街市的計劃。
記者：黃芷君／攝影：陳倩儀、阮佩君