公民講場：政改非買菜 煥光籲嚴肅

行政會議召集人林煥光（WK）之前講電視發牌，就用咗茶餐廳嚟比喻，話電視台唔似茶餐廳咁，鍾意開就開。唔知佢係咪覺得用呢類比喻，市民會容易明白啲，所以尋日出席活動，回應泛民要求公民提名係咪叫價太高嘅問題，WK就用買餸比喻，話大家唔應該用街市買菜咁樣一種方式去評價政改，亦唔需要話叫價高定低，因為政改係嚴肅，對香港影響好大嘅事。比起政改，買菜當然無咁嚴肅同影響大啦，菜買唔成唔緊要，但政改傾唔成，有人話影響管治喎。