佔領中環行動（佔中）繼續喺社會發酵，佔中發起人陳健民尋日喺電台節目中，更以已故南非前總統曼德拉抗爭歷史，以及最近掟蛋事件同掟汽油彈嘅言論，警告如果和平佔中都無法為香港爭取民主，年輕人會否仍然相信和平抗爭力量就不得而知喇，字語間好似暗示最終或會走向暴力抗爭，要求喺佔中前先同各方面談判。陳健民突然喺政改諮詢之初就火上加油，分分鐘將之前講嘅愛與和平訊息完全掩蓋，到時不幸被人以暴力抗爭手段「騎劫」咗整個佔中行動，就只可以怪佢自己衰多口，開口中喇！
