政情：公民講場：佔中要挾政府 鐵頭仁似打劫

政改諮詢日前正式展開，雖然相關司局級官員多番強調任何建議要符合《基本法》及全國人大常委會嘅決定，但泛民主派人士就繼續沉醉喺公民提名及篩選問題上。立法會議員何俊仁（鐵頭仁）尋日就話：「有篩選提名就係冇得傾！」仲語帶威脅式嘅口脗，聲言泛民會展開一次大型公投，如果社會唔接受政府歸納各方意見後嘅政改方案，泛民就會發起佔領中環行動。鐵頭仁咁講法，十足劫匪去打劫銀行咁，最好銀行職員乖乖就範，否則就會按住嚟搶。再者，公投點樣為之具代表性呢？定係泛民想政府聽晒佢哋話呢？