粉嶺覲龍圍村村民梁先生指出，村內公廁的自動沖水系統已故障多月，因未能控制沖水量導致經常水浸。及後梁更發現廁所水掣被關掉，令廁格因長期無水沖廁而發出惡臭。
「個沖水系統都壞咗成半年，就咁閂咗個水掣，諗住冇水浸就算數，咁點得o架？」梁要求食環署盡快進行維修工程，以根治問題。
食物環境衞生署發言人強調過去並無接獲相關投訴，經本報轉介後派員巡查，發現男廁尿兜水掣被關上，經重開水掣後，沖水系統已正常運作。
「佢哋（食環署）根本冇維修到個沖水系統，只係開番個水掣，等啲水慢慢入滿個水箱冇咁容易瀉，但次次等滿水沖廁都等好耐！」梁先生指食環署巡查當日亦在現場，直指當局未有維修沖水系統，僅採取「斬腳趾避沙蟲」方式處理問題，對此深表不滿。