功夫茶講過，東方報業集團嘅宗旨係精益求精，與時並進，所以，全新登場嘅旗艦網站「on.cc東網」一定會力臻完美，為讀者及網民提供最佳閱覽享受。嗱，唔係講過就算，而係講得出做得到o架！
「on.cc東網」破空而出，全球反應熱烈，粉絲節節上升，為咗更加方便瀏覽，東網不斷提升功能，新推出嘅Menu Bar更簡潔，更符合網民瀏覽習慣。究竟點樣簡潔呢？係咁嘅，新Menu Bar將資訊劃分為新聞、評論、財經、娛樂、體育和生活六大範疇；而喺新聞範疇內再按地區，細分出港澳、台灣、大陸和國際；評論就細分出港澳和台灣。新Menu Bar簡潔易明，方便快捷，讀者只須click一下，就可直接進入想瀏覽嘅資訊範疇，話都冇咁易。
立足香港，服務全球華人，係「on.cc東網」嘅目標，依家已推出面向香港讀者嘅港澳版，以及面向台灣讀者嘅台灣版。港澳版切合港澳人口味，台灣版自然緊跟台灣人口味，提供地地道道嘅資訊，而最特別之處係，唔同地區版面用唔同顏色區分，一目了然。當然喇，除咗港澳版及台灣版之外，「on.cc東網」將會不斷擴張版圖，設立更多地區版，包括大陸版、美加版等，為世界各地華人提供最快、最新、最詳盡嘅資訊。
眾所周知，今日網絡無邊無界，上網唔再局限於電腦，智能手機亦愈來愈普及，「on.cc東網」領風氣之先，自然唔會忽視發展手機程式Apps。呢嗱，至前日為止，東網Apps安裝量已突破四百一十五萬次，簡直係氣勢如虹。順便提提大家，東網Apps亦進行咗更新，只要到App Store或Play Store更新東網Apps，就可瀏覽最新嘅版面，並可透過Apps直接閱覽全球免費開放嘅《太陽報電子報》及《好報電子報》。仲有吖，為滿足全球華人唔同需要，除目前嘅「東網港澳」Apps外，短期內亦將推出「東網台灣」、「東網大陸」等Apps，大家千祈唔好錯過吖。
講到《太陽報電子報》及《好報電子報》，功夫茶不得不再次賣花讚花香。自從電子報全球免費開放後，點擊應聲激增，每日瀏覽頁次最高達一百四十三萬，證明讀者及網民果然識貨。又難怪《太陽報電子報》及《好報電子報》咁受歡迎嘅，無論你身處地球任何角落，都可以隨時隨地、原汁原味享受非一般嘅閱報樂趣，連廣告資訊都一覽無遺，唔只讀者及網民皆大歡喜，連廣告客戶都得益匪淺o架。
總而言之，東網推陳出新，精彩陸續有來，只要緊貼「on.cc東網」，包你有意外收穫！